“Haurrak eta nerabeak indarkeriatik babesteko Portugaleteko Udal Kirol Elkartea Pertsona Bakarreko Sozietatearen Protokoloa”

Zer da haurrak eta nerabeak babesteko DEMUPORSAren jarduera-protokoloa?

DEMUPORSAk definitutako metodologia bat da, eta, haren bidez, Portugaleteko Udal Kirol Elkarteak erantzuna eman nahi dio haur eta nerabeek udalerriko kirol-instalazioetan duten segurtasun- eta ongizate-beharrari, haien aurka edozein espaziotan gerta daitezkeen indarkeria, jazarpen edo tratu txarren egoerei aurre egiteko. Haur edo nerabe batek baliatu ohi dituen kirol-instalazioak indarkeriarik gabeko espazio seguruak izan daitezen lortzea.

Nori zuzendua da?

DEMUPORSAren mendeko kirol-instalazioetan haur eta nerabeen kontrako indarkeria, jazarpen edo tratu txarren kasuak jakinarazi behar dituztenei.

• Instalazioetan antolatzen diren kirol- eta aisialdi-jardueretan parte hartzen duten haur eta nerabeei, biktimak izan edo ez.
• Portugaleteko kirol-instalazioetan kirola egitearekin eta aisialdiarekin zerikusia duten pertsona guztiei.
• DEMUPORSAko enplegatuei edo besteren konturako langileei.
• DEMUPORSAri zerbitzuak ematen dizkioten profesionalei.

Printzipioak:

• Haurraren eta nerabearen interes gorena.
• Haurrak eta nerabeak erabat babestea, baita haien eskubideak ere.
• Objektibotasuna eta konfidentzialtasuna.
• Erantzuteko eraginkortasuna eta arintasuna.

Haurrak eta Nerabeak Babesteko ordezkaria.

Clementina Sevilla Rodríguez.

Helbide elektronikoa: proteccioninfancia@portukirolak.com.

Telefonoa: 944 61 26 00.

Kirol Zerbitzuen arduradunak eta Kluben eta Ekitaldien arduradunak ere lagunduko diote.

Izapideak egiteko kanalak edo moduak.

• Online izapidetzea: Webguneko formularioaren bidez, https://www.portukirolak.com/webgunean horretarako ezarritako “haurrak babestea” atalean.
• Idatziz:          Aurrez aurre:  Sozietatearen egoitzan, Miguel de Unamuno 43, 48920 Portugalete.

Posta elektronikoz, proteccioninfancia@portukirolak.com helbidera idatzita.

• Ahoz (kasu horietan, beti grabatuko edo transkribatuko da elkarrizketa).

                       Sozietatearen telefonoaren bidez: 944 612 600.

Aurrez aurreko bilera batean (aurreko kanaletako edozeinen bidez deituta).

Prozedura

1. Komunikazioa aurkeztea. Informatzaileak ezarritako kanalen bidez eman ahalko du irregulartasunaren berri, dela bere burua identifikatuta, dela modu anonimoan.
2. Komunikazioa berrestea.
3. Kasuaren urgentzia baloratzea.
4. Lehen erantzuna.
5. Familiei edo tutoreei informazioa ematea.
6. Gizarte-zerbitzuekin harremanetan ipintzea.
7. Gertakaria ikertzea eta ondorioen txostena.
8. Hirugarrenekin koordinatzea.
9. Kasua erregistratzea.
10. Kasuaren jarraipena.

Sistema informatikoa.

Hasiera-hasieratik informazioa modu seguru eta konfidentzialean ematen dela bermatzeko diseinatua da, eta informatzaileei, biktimei edo ustezko erasotzaileei buruzko anonimotasuna gordetzeko aukera ematen du.

Araudia

8/2021 Lege Organikoa, ekainaren 4koa, haurrak eta nerabeak indarkeriatik erabat babestekoa.

2/2023 Legea, martxoaren 30ekoa, Euskadiko jarduera fisikoaren eta kirolarena.

Datu pertsonalen babesa eta konfidentzialtasuna

1.- Pertsona hauek bakarrik eskuratu ahalko dituzte datuak:

• Haurrak eta Nerabeak Babesteko ordezkariak.
• DEMUPORSAko Datuak Babesteko ordezkariak.
• Giza Baliabideen arduradunak.
• Zerbitzu Juridikoen arduradunak (legezko neurriak hartu behar badira jakinarazitako gertakariei loturik).
• Ikerketak beste organo batzuetako pertsonekin informazioa partekatzea eskatzen badu, konfidentzialtasunez egingo da (anonimotasunaren edo pseudoanonimotasunaren bidez). Inola ere ezingo da identifikatu informatzailea.

2.- Ikerketa egiteko behar diren datu pertsonalak baino ez dira bilduko. Prozedurarako garrantzitsuak ez diren datuak ezabatu egingo dira.

3.- Datu pertsonalak behar den denboran eta emandako helbururako gordeko dira, Euskal Autonomia Erkidegoko 2/2023 Legea eta datuak babesteko araudia betez.

Oharrak

Zerbitzu hau EZ DA kexa, iradokizun eta erreklamazioak egiteko postontzia. Kexa, iradokizun eta erreklamazioetarako, DEMUPORSA Pertsona Bakarreko Sozietate Anonimoak eskaintzen dizkie beste bide batzuk herritarrei: Portukirolak web orrian. “Iradokizunak/kexak” eta “Harremana”.

Haurrak eta nerabeak babesteko protokoloa     Formulario